Jambyl oblysynyń 421 turǵynyn kene shaqqan
«Kene shaqqan barlyq adamdar 14 kún ishinde medıtsınalyq baqylaýǵa alyndy, klınıkalyq belgileri, shaǵymdary joq. Medıtsınalyq baqylaýdan 298 adam alyndy», –dedi Jambyl oblysynyń sanıtarııalyq-epıdemıologııalyq baqylaý departamenti basshysynyń orynbasary Neılı Mýlıkova óńirlik kommýnıkatsııalar qyzmetinde ótken brıfıngte.
Sondaı-aq, departament basshysy orynbasarynyń aıtýynsha, oblysta jyl basynan beri Kongo-Qyrym gemorragııalyq qyzbasynyń 3 zerthanalyq rastalǵan jaǵdaıy tirkelgen.
Onyń ekeýi Shý aýdanynda, bireýi Baızaq aýdanynda bolǵan.
Búgingi tańda barlyq naýqastar hattamaǵa sáıkes emdeýdiń tolyq kýrsyn alyp, saýyǵyp úılerine shyǵarylǵan.
Aıta keteıik, buǵan deıin Jambyl oblysynda tórt túlikti asyldandyrý jumystary bastalǵanyn habarlaǵan bolatynbyz.
Kókdónen aýyldyq okrýginiń turǵyndaryna kelesi jyldyń kókteminen bastap «Asyldandyrý baǵdarlamasy» qoljetimdi bolady.
Nátıjesinde et ónimderi de birshama kóbeıýi tıis.
Kókdónendikterde mal basynan keminde 20-30 lıtr sút alýǵa múmkindik mol. Sebebi, taýly aımaqtyń shóbi shúıgin, tabıǵaty mal sharýashylyǵyn damytýǵa qolaıly.