Jambyl oblysynyń 22 jastaǵy turǵyny bes jigitti atyp ketti

TARAZ. QazAqparat – Jambylda 22 jasar jigit ózara janjal kezinde myltyqpen 5 jigitti atyp ketti,- dep habarlaıdy QazAqparat tilshisi.

Jambyl oblysy Sarysý aýdanynyń ortalyq aýdandyq aýrýhanasyna 20, 22 jáne 24 jastaǵy 5 turǵyny oq jaraqatymen jetkizilgen. Bul týraly aýdandyq polıtsııa bólimine habarlama túsken.

Janjal buzaqylyq nıetten týyndaǵany anyqtaldy, kúdikti joǵaryda atalǵan adamdarǵa myltyqtan birneshe ret oq atqan.

«Atalǵan derekke qatysty QR QK-niń 24-babynyń 3-99-bóligi 2,1,9 – tarmaqshalary boıynsha (eki jáne odan da kóp adamǵa qatysty buzaqylyq nıetpen jasalǵan kisi óltirýge oqtalý) sotqa deıingi tergeý bastaldy. Jedel-izdestirý sharalaryn júrgizý barysynda polıtsııa qyzmetkerleri 22 jastaǵy kúdiktini anyqtap, qolǵa túsirdi. Ustalǵan azamat óz kinásin tolyq moıyndap, ýaqytsha ustaý ızolıatoryna qamaýǵa alyndy. Barlyq tıisti saraptamalar taǵaıyndaldy. Zattaı dáleldemeler tárkilendi»,-delingen oblystyq polıtsııa departamenti baspasóz qyzmetiniń habarlamasynda.