Jambyl oblysyndaǵy jarylys: Turǵyndardan aqparattyq sıpattaǵy 178 qońyraý kelip túsken
«26 tamyzda 18 saǵat 47 mınýtta Jambyl oblysy Baızaq aýdanyndaǵy órt sóndirý bóliminiń pýltine QR Qorǵanys mınıstrligi 28349 áskerı bóliminiń qoımasynda (Jambyl oblysy, Korolevka kenti, Taraz qalasynan 30 shaqyrym) tútin shyqqany týraly habarlama kelip tústi.
Órt ornyna Jambyl oblysy TJD Órt sóndirý bólimsheleriniń kúshteri men quraldary joǵarǵy shaqyrý nómiri boıynsha 34 avtotehnıka jáne 114 adam jiberildi, 15 jedel járdem brıgadasy jumyldyryldy, onyń ishinde TJ aımaǵynda 4 tehnıka. Garnızon joǵarǵy shaqyrý rangy boıynsha shyqty», delingen habarlamada.
Órt qoıma ǵımaratyn tolyq sharpyǵan. Fragmentterdiń ushý radıýsy 2 km-ge deıin jetti, boıynsha qoımada 500 tonnadan astam trotıl saqtalǵan.
Órt nysanyna jaqyn jerde 3 eldi meken ornalasqan, Jibek joly kenti 3 km (378 adam), Úshbulaq stantsııasy – 8 km (216 adam), Botamoınaq – 10 km (492 adam), halyqtyń jalpy sany shamamen 1 086 myń adam. Qazirgi ýaqytta 710 turǵyn Taraz qalasyna evakýatsııalandy. (Jambyl polıtehnıkalyq kolledji, Temirjol kolledji, Qazaq-túrik kolledji, Taraz servıs jáne tehnologııa kolledji, Qant-zaýyt kolledji, №5, 6, 10, 44, 23, 9, 12, 8, 54 jáne 53 orta mektepteri, onyń 128-i evakopýnkterde, 582-si týystarynda.
Qazirgi qparat boıynsha aýrýhanaǵa 49 TJD qyzmetkeri túsken.
«Oqıǵa ornynda mınıstr bastaǵan TJM jedel toby jumys isteýde. Sondaı-aq oqıǵa ornyna Almaty qalasynan quramynda 6 tehnıka men jeke quramnyń 22 adamy, Túrkistan qalasynan AMO 1 tehnıkasy, Shymkent qalasy TJD arnaıy jasaǵynyń 8 birlik tehnıkasy men jeke quramnyń 33 adamy jáne QR TJM Apattar medıtsınasy ortalyǵynyń qyzmetkerleri keldi», delingen habarlamada.
Sondaı-aq TJM Qorǵanys mınıstrliginiń resmı suraý joldansa, órtti sóndirý úshin tikushaq usynýǵa daıyn ekenin málim etti.
«Aldaǵy ýaqytta QR TJM kúshteri men quraldary qalǵan órt oshaqtaryn sóndirýge, sondaı-aq turǵyndardy turaqty ornalasý ornyna qaıtarýǵa jáne t/j kóligi joldary men avtomobıl joldaryn qalpyna keltirýge tartylady», delingen habarlamada.
QR TJM DJBO-da jáne órt ornynda KShM bazasynda órt sóndirý shtaby quryldy. Jambyl oblysy TJD-de jedel shtaby jumys isteıdi. Tótenshe jaǵdaıdy joıýǵa jumyldyryldy:
- TJM - 153 qyzmetker, 46 tehnıka,
- PD - 400 qyzmetker, 54 tehnıka,
- №28349 á/b - 8 qyzmetker, 2 tehnıka,
- №5513 á/b - 273 áskerı qyzmetshi, 12 tehnıka,
- Ulttyq gvardııa - 520 adam jáne 250 adam rezervte.
Halyqqa aqparattyq jáne psıhologııalyq kómek kórsetý úshin Jambyl oblysynyń TJM jáne TJD jedel jeli ashyldy TJM telefondary – 33-32-89, 53-32-79, TJD– 8 (7262) 51-41-67, 51-37-75, +77788109109.
Sondaı-aq, TJD aqparattyq sıpattaǵy 178 qońyraý kelip túsken.
