Jambyl oblysyndaǵy jarylys: Órttiń bir bóligi sóndirildi
TARAZ. QazAqparat – Jambyl oblysynda ornalasqan áskerı bólimdegi órttiń bir bóligi sóndirildi, dep habarlaıdy QazAqparat tilshisi.
«Jambyl oblysynda áskerı bólimdegi qoımadan shyqqan órtti joıý jumystary jalǵasyp jatyr. Órttiń bir bóligi sóndirildi. Oqıǵa ornynan Qorǵanys mınıstriniń basshylyǵymen komıssııa jiberildi», - delingen QR Qorǵanys mınıstrligi resmı taratqan aqparatta.
Esterińizge sala ketsek, búgin saǵat shamamen 19:00-de Jambyl oblysynyń Baızaq aýdanynda ornalasqan áskerı bólim qoımalarynyń birinen órt shyqty. Órt saldarynan belgisiz zattyń jarylysy oryn aldy.
QR Qorǵanys mınıstriniń orynbasary general-leıtenant Rýslan Shpekbaevtyń atap ótýinshe, áskerı bólimge taıaý mańdaǵy úılerdiń turǵyndaryn evakýatsııalaý týraly sheshim qabyldanǵan.
