Jambyl oblysyndaǵy jarylys bolǵan aýdanda jedel shtab quryldy

BAIZAQ. QazAqparat – Áskerı bólimderiniń birinde jarylys bolǵan Jambyl oblysynyń Baızaq aýdanynda jedel shtab qurylyp ony, oblysy ákimi Berdibek Saparbaev basqaryp otyr.

Bul týraly QazAqparat baızaq aýdanynyń ákimdiginiń Facebook jelisine silteme jasap habarlaıdy.

Aıta keteıik, búgin saǵat shamamen 19:00-de Jambyl oblysynyń Baızaq aýdanynda ornalasqan áskerı bólim qoımalarynyń birinen órt shyǵyp, jarylys boldy.

Qazirgi tańda jarylystan zardap shekkender sany 66 adamdy qurap otyr. Olardyń basym kópshiligi jeńil jaraqat alǵandar, tek 2 adamnyń ǵana jaǵdaıy aýyr.

Apat bolǵan aýmaqtan evakýatsııalanǵan turǵyndarǵa arnalyp, oblys ortalyǵynan 400-den astam oryn daıyndalǵan.