Jambyl oblysyndaǵy jarylys: Birneshe adammen baılanys bolmaı tur

NUR-SULTAN. QazAqparat – Jambyl oblysynda áskerı bólimdegi jarylystardan keıin birneshe adammen baılanys bolmaı tur. Bul týraly QR Qorǵanys mınıstri Nurlan Ermekbaev málim etti, dep habarlaıdy QazAqparat tilshisi.

«Barlyq zardap shekkenderge medıtsınalyq kómek kórsetilip jatyr. Ókinishke oraı órt saldaryn joıý barysynda 4 áskerı qyzmetshi qaza tapty. Ońtústik óńir áskerı prokýrory polkovnık Qapezov, áskerı bólimniń kelisimshart serjanty Meshinbaı, kelisimshart efreıtory Janbolatov jáne áskerılendirilgen kúzet qyzmetshisi Danbaev. Osy sátte paıdalana otyryp, barlyq áriptesterimniń atynan qaza tapqandardyń jaqyndaryna kóńil aıtamyn», - dedi mınıstr Jambyl óńirlik kommýnıkatsııalar qyzmetindegi baspasóz máslıhaty barysynda.

Onyń atap ótýinshe, qazirgi ýaqytta birneshe adammen baılanys bolmaı otyr. Degenmen, olar tiri degen úmit bar. Іzdeý jumystary jalǵasyp jatyr.

«Qazirgi ýaqytta qurylǵan jedel tergeý toby oqıǵanyń shyǵý sebebin anyqtap jatyr. Aldyn ala nusqa qaýipsizdik talaptaryn buzý bolýy múmkin. Ózdiginen lateraldy hımııalyq reaktsııa bolýy da yqtımal. Túrli sebepti joqqa shyǵarmaımyz. Qaza tapqandardyń arasynda azamattyq tulǵalar joq», - dedi Nurlan Ermekbaev.