Jambyl oblysyndaǵy jarylys: Áskerı bólimge taıaý úılerdiń turǵyndary evakýatsııalanady

TARAZ. QazAqparat – Jambyl oblysynda áskerı bólimdegi jarylys saldarynan oqıǵa ornyna taqaý ornalasqan úılerdiń turǵyndary qaýipsiz jerge kóshiriledi. Bul jaıynda QR Qorǵanys mınıstriniń orynbasary general-leıtenant Rýslan Shpekbaev málim etti, dep habarlaıdy QazAqparat tilshisi.

«Jambyl oblysynyń Baızaq aýdanynda ornalasqan áskerı bólimde saǵat shamamen 19-00-de qoımalardyń biriniń janynan órt shyqqan. Órtti sóndirýge bólimniń órt sóndirý komandasy shynjyrly órt sóndirý mashınasymen jedel kiristi. Olarǵa Jambyl oblystyq TJD órt sóndirý bólimsheleri kómek kórsetip jatyr. Órttiń bir bóligi sóndirildi. Buǵan qaramastan órt saldyrynan belgisiz zattyń jarylýy oryn aldy. Órt oshaǵyn sóndirý jalǵasýda», - dedi general-leıtenat.

Sonymen qatar ol órttiń shyǵý sebebi anyqtalý ústinde ekendigin atap ótedi.

«Qoımada negizinen ınjenerlik oq-dáriler saqtalǵan. Olar alysqa ushpaıdy. Degenmen, turǵyndardyń qaýipsizdigin saqtaý maqsatynda taıaý mańdaǵy úılerdiń turǵyndaryn evakýatsııalaý týraly sheshim qabyldandy. Oqıǵa ornyna QR Qorǵanys mınıstriniń basshylyǵymen komıssııa jiberildi. Komıssııa apat saldaryn joıýmen aınalysatyn bolady», - dedi Rýslan Shpekbaev.