Jambyl oblysyndaǵy zaýytta koronavırýsqa qarsy vaktsına qashan shyǵarylady

NUR-SULTAN. QazAqparat – QR Densaýlyq saqtaý mınıstri Alekseı Tsoı Jambyl oblysyndaǵy zaýytta koronavırýsqa qarsy vaktsına qashan shyǵarylatynyn aıtty, dep habarlaıdy QazAqparat tilshisi.

«Biz qazir málimetterdi kútip otyrmyz. Qazirgi kezde óndiristerdi iske qosý kestesi pysyqtalyp jatyr. Taıaý arada tehnologııalyq jelini tapsyrýy kerek. Ary qaraı barsha protsesterdi júrgizgennen keıin, zaýyt iske qosylady. Ázirge, bul nátıje bıyldyń sońyna qaraı bolady dep eskerilgen. Sondyqtan merzimderge qatysty Bilim mınıstrligi habarlaýy tıis», - dedi A. Tsoı Ortalyq kommýnıkatsııalar qyzmetinde.

Sonymen qatar mınıstr Bıologııalyq qaýipsizdik problemalary ǵylymı-zertteý ınstıtýty bazasynda vaktsınanyń alǵashqy toptamasy shyǵarylǵanyn, alaıda qazirgi ýaqytta klınıkalyq zertteýler nátıjesi boıynsha tehınkalyq esepterdi tapsyrǵanyn kútip otyrǵanyn aıtty.

«Ony sáýir aıynyń sońyna qaraı alamyz dep kútip otyrmyz. Buǵan deıin aıtylǵandaı, otandyq vaktsınany saldyrýǵa daıyndalyp júrmin», - dedi Alekseı Tsoı.

Buǵan deıin habarlanǵandaı, Densaýlyq saqtaý mınıstri koronavırýsqa qarsy otandyq vaktsınanyń shyǵýyn kútip, osy ekpeni saldyratynyn aıtty.