Jambyl oblysyndaǵy tarıhı-mádenı eskertkishterge týrısterdiń qyzyǵýshylyǵy artyp otyr

TARAZ. QazAqparat – Jambyl oblysynda 200-den astam kóne qalashyq bar. Bul týraly búgin ÓKQ aqparat alańynda ótken brıfıng barysynda Jambyl oblysy ákimdigi týrızm basqarmasy basshysynyń mindetin atqarýshy Jomart Hajy málim etti, dep habarlaıdy QazAqparat tilshisi.

Spıkerdiń aıtýynsha, oblys boıynsha 3 441 eskertkish bar. Onyń ishinde 25-i respýblıkalyq dárejede bolsa, 3416 jergilikti mańyzǵa ıe.

Sondaı-aq, aımaqta 200-den astam kóne qalashyq bar desek, bir ǵana Tarazdyń ózinde 119 tarıhı-mádenı eskertkish tirkelgen. Bıyl negizgi týrıstik nysandardyń sany 37-den — 65-ke kóbeıtilip, 45 jańa týrıstik marshrýt ázirlendi.

Sondaı-aq, aldaǵy ýaqytta óńirde birneshe týrıstik oryndardyń qurylysy bastalady, onyń ishinde 1 mlrd teńgege «Altyn bulaq» agrotýrıstik bazasy salynbaq, 4,1 mln teńgege «Kóksaı» týrıstik kesheni, 300 mln teńgege «Asem» demalys ortalyǵy, «Qazaq handyǵy» monýmenti janynan 500 mln teńgege «Etno aýyl» saıabaǵyn ashý baǵytynda jumystar júrip jatyr. 200 mln teńgege «Áýlıe bastaý» bulaǵy

jańǵyrtylsa, dál osyndaı qarjyǵa «Tas kól» kóliniń jaǵasynan týrıstik demalys ortalyǵy ashylady.

«Búginde oblys boıynsha 180 qonaq úı, 434 tamaqtaný oryndary, 7 shıpajaı, 15 demalys oryndary, 11 balalardy saýyqtyrý lagerleri,

47 týrıstik uıym, 78 qolónershiler men 25 kólik sýbektisi jumys isteıdi»,- dedi Jomart Hajy.

Foto:taraz.atameken.kz