Jambyl oblysyndaǵy sý qoımalaryna kezekshilik qoıyldy
TARAZ. QazAqparat - Jambyl oblysy Talas aýdanynda jol shaıylýynyń aldy alyndy, dep habarlaıdy «QazAqparat» HAA tilshisi.
Jambyl oblystyq TJD baspasóz qyzmeti túsindirip bergendeı, Úsharal aýyldyq okrýgindegi jergilikti mańyzy bar Aqkól-Úsharal avtomobıl jolynda magıstraldik qubyrdy salý kezinde jol tósemin Asa ózeniniń sýy shaıyp ketý qaýpi tóngen edi.
«Jergilikti atqarýshy organdardyń kómegimen bir kún boıy joldyń jıegine topyraq tastalyp, keshke qaraı jumystar tolyqtaı aıaqtaldy. 20 adam men 3 tehnıka jumyldyryldy», - dedi vedomstvoda.
«Qazir joldaǵy qozǵalys qalpyna keltirildi. Jergilikti atqarýshy organdar táýlik boıy kezekshilik etip, udaıy baqylaýda ustaýda», - dep túsindirdi Jambyl oblystyq TJD bastyǵy Baǵdat Danılov.
Jambyl oblysynda sý tasqynyna qarsy is-sharalar aıasynda halyqty aqparattandyrý, gıdrotehnıkalyq qurylǵylardy qalpyna keltirý, ózenniń jaǵalyq jıegin nyǵaıtý, gıdrotehnıkalyq jabdyqtardyń jaǵdaıyn tekserý jumystary júrgizilýde. Sý qoımalarynda kezekshilik qoıylyp, mobıldi jedel top quryldy.
