Jambyl oblysyndaǵy sharýa qojalyǵynda 8 keli marıhýana tabyldy

TARAZ. QazAqparat – Jambyl oblysy Baızaq aýdanynyń turǵynynan 8 keliden astam marıhýana tabyldy, dep habarlaıdy QazAqparat tilshisi.

«Kóknar» jedel aldyn alý is-sharasyn júrgizý barysynda Jambyl oblysynyń esirtki qylmysyna qarsy kúres basqarmasynyń qyzmetkerleri Túımekent aýyly mańyndaǵy sharýa qojalyqtarynyń birinde Baızaq aýdanynyń 45 jastaǵy turǵynyn ustady. Bul týraly oblystyq Polıtsııa departamentiniń baspasóz qyzmetinen málim etti.

«Er adamnan 8 kg 686 gramm »keptirilgen marıhýana« esirtki zaty tabyldy jáne tárkilendi. Kúdikti kinásin moıyndap, Baızaq aýdanynyń ýaqytsha ustaý abaqtysyna qamaldy, QR QK-niń 296-baby 4-bóligi boıynsha sotqa deıingi tergeý bastaldy», - delingen vedomstvo habarlamasynda.