Jambyl oblysyndaǵy MI-2 tikushaǵy apaty boıynsha sotqa deıingi tergeý amaldary bastaldy
Astana. QazAqparat - MI-2 tikushaǵy apaty faktisi boıynsha sotqa deıingi tergeý amaldary júrgizilip jatyr, dep habarlady QR kóliktegi ІІD baspasóz qyzmetinen.
23 qańtarda saǵat 17.30 mınýtta Jambyl oblysy «Úmbet» qumdy aımaqta borttyq nómiri U-M-1223 MI-2 tikushaǵy apatqa ushyrady.
Bul fakti QR Qylmystyq kodeksiniń 344-baby boıynsha biryńǵaı sot aldy tergeý tizilimine tirkeldi.
Oblystyq ІІD teńgerimindegi MI-2 tikushaǵyn «Taraz Jańa Alem» JShS múlikti jalǵa alý sharty negizinde paıdalanýdy júzege asyrǵan.
Shartqa sáıkes, jalǵa alýshy tikushaqty ushý-tehnıkalyq paıdalanýdy, QR-da belgilengen qaǵıdalarǵa sáıkes, kemeniń ushý jaramdylyǵyn qoldaýdy qamtamasyz etedi, onyń sharttaryna zańdy jáne jeke tulǵalarǵa aqyly qyzmet kórsetý kiredi.
Senbi, 23 qańtarda «Taraz Jańa Alem», JShS basshysy, tikushaq ushqyshy V.M. Mıhın jolaýshylardyń aldyn ala júrgizgen tólemi arqyly komertsııalyq ushyrylymdy júzege asyrǵan. Ushqyshtan basqa tikushaqta úsh jolaýshy bolǵan, onyń ishinde Jambyl oblysynyń prokýrory E.N. Sybanqulov ta bar. Ańshylyqqa shyǵa almaǵan, jergilikti jerdi tekserý barysynda ańnyń eti tabylǵan joq.
Aldyn ala derek boıynsha, ushyrylym kezinde tikushaq qozǵaltqyshynyń qysymy tómendep, tútindeı bastaǵan. Ushqysh shuǵyl qonýǵa májbúr bolǵan. V.M. Mızın órtti ózi sóndirmek bolǵan, saldarynan denesin kúıik shaldy.
Jolaýshylar jaralanǵan pılotty taıaý jerdegi shabanǵa aparyp, jedel járdem shaqyrǵan. Ol Taraz qalasyna ekinshi dárejeli kúıikpen jetkizilgen. Qazir onyń jaǵdaıy qalypty.
Arnaıy komıssııa qurylyp, oqıǵanyń mán-jaıy anyqtalyp jatyr. Sotqa deıingi tergeý amaldary bastaldy.
