Jambyl oblysyndaǵy lagerde balany soqqyǵa jyqqan stýdent-tálimger jazalandy
TARAZ. QazAqparat - Jambyl oblysynyń Jýaly aýdanyndaǵy balalar lagerinde bolǵan keleńsiz oqıǵa ashyldy, dep habarlaıdy QazAqparat tilshisi Jambyl oblysy ІІD baspasóz qyzmetine silteme jasap.
«Taý samaly» jazǵy demalys lageriniń tálimgeri Bekarys Tilepbaı zańsyz ádep kórsetkeni úshin jazalandy. Jýaly aýdandyq soty ony 10 jasar balany urǵany úshin aıypty dep tanydy», - dedi vedomstvosynyń baspasóz qyzmetindegiler.
24 maýsym kúni Taraz qalasynyń ІІB-na Tarazdyń D. esimdi turǵyny kelip, «Tilebaı baba» JShS-na tıesili «Taý samaly» lageriniń tálimgeri balasyn soqqyǵa jyqty dep aryzdanǵan. Balanyń anasynyń ótinishimen 16-24 maýsym aralyǵynda «Taý Samaly» lagerinde tekseris ótti.
Sot-medıtsınalyq saraptamanyń nátıjelerinen belgili bolǵandaı, balanyń densaýlyǵyna zaqym kelgen. Ol mıdyń shaıqalýy túrindegi jabyq bas súıek-mı jaraqatyn alǵan, qoly men oń jaq aıaǵy qantalaǵan.
Jýaly aýdandyq ІІB atalmysh faktini QR QR ÁQBTK-niń 73-baby, 1-shi bóligine sáıkes, «Densaýlyqqa qasaqana jeńil zııan keltirý» dep baǵalady.
«Jýaly aýdandyq sotyndaǵy isti qaraý barysynda B. Tilepbaı kinásin moıyndap, bala birneshe márte ishki tártipti buzyp, tálimgerin tyńdaýdan bas tartty dep aqtaldy. Nátıjesinde B. Tilepbaı densaýlyqqa qasaqana jeńil zııan keltirý boıynsha aıypty dep tanylyp, oǵan 36 075 teńge aıyppul salyndy», - delingen habarlamada.
