Jambyl oblysyndaǵy kúre jolda jedel járdem kóligi apatqa ushyrady

TARAZ. QazAqparat –Jambyl oblysy aýmaǵyndaǵy kúre jolda jedel járdem kóligi men jeńil kólik soqtyǵysyp qaldy. Jol apatynyń vıdeosy áleýmettik jelide tarady, dep habarlaıdy QazAqparat tilshisi.

Kadrlardan Jambyl oblysynda - Grodıkovo men Besaǵash eldi mekenderiniń arasyndaǵy jańa tas joldyń qıylysynda jeńil kólik pen qatty zaqymdalǵan jedel járdem kóligi kórsetilgen.

«Bizdiń kólik jol-kólik apatyna ushyrady», - dedi QazAqparat tilshisine Jambyl oblystyq jedel járdem stantsııasynyń bas dárigeri Venera Balkıbekova. «Biz Besaǵashtaǵy shaqyrýǵa barǵanbyz, kólikpen soqtyǵysyp qaldyq. Abyroı bolǵanda barlyǵy tiri, biraq qatty zardap shekti. Polıtsııa qazir tergeý júrgizip jatyr».

Onyń aıtýynsha, jol apatynan tórt adam zardap shekti - eki feldsher, jedel járdem júrgizýshisi jáne jeńil kólik júrgizýshisi.

«Kóliktiń júrgizýshisi aýrýhanaǵa jatqyzyldy, al bizdiń adamdar ambýlatorııalyq emdelýge jiberildi. Jedel járdem kóligi qatty qırady. Barlyq zardap shekkender aman-saý bolady degen úmitttemiz», - dedi spıker.

Jambyl oblysynyń quqyq qorǵaý organdary oqıǵanyń mán-jaıyn anyqtaýda.