Jambyl oblysyndaǵy qaıǵyly oqıǵany tergeý komıssııasyna mınıstr Jasuzaqovpen birge bes vıtse-mınıstr endi
ASTANA. QazAqparat - Ortalyq kommýnıkatsııalar qyzmetiniń resmı ókili Murat Jumanbaı Jambyl oblysynda qar kóshkininen áskerılerdiń qaza bolýyna baılanysty qurylǵan arnaıy komıssııanyń quramyn jarııalady, dep habarlaıdy QazAqparat tilshisi.
Onyń aıtýynsha, Úkimet basshysy Baqytjan Saǵyntaev qaıǵyly oqıǵany tergeý barysyn jeke baqylaýyna aldy. Osyǵan oraı, úkimettik komıssııa quryldy.
"Komıssııanyń quramyna qorǵanys mınıstri Sáken Jasuzaqov, onyń orynbasary Talǵat Muxtarov, qarjy vıtse-mınıstri Tatıana Saveleva, ishki ister mınıstriniń orynbasary ıÝrıı Ilın, eńbek jáne xalyqty áleýmettik qorǵaý vıtse-mınıstri Svetlana Jaqypova, densaýlyq saqtaý vıtse-mınıstri Alekseı Tsoı jáne Jambyl oblysy ákiminiń orynbasary Bekbolat Orynbekov kirdi. Olar Jambyl oblysyndaǵy qaıǵyly oqıǵaǵa baılanysty óz jumystaryn bastap ketti. Komıssııa oqıǵanyń sebepterin zerttep, qaıtys bolǵan jaýyngerlerdiń otbasylaryna tıisti kómek kórsetý jumystaryn uıymdastyrady", - dedi Jumanbaı búgingi baspasóz máslıxatynda.
Resmı málimetke sáıkes, qaıtys bolǵan sarbazdardyń otbasylaryna 5 jyldyq aılyq eseptik kórsetkish mólsherinde materıaldyq kómek kórsetiledi.
Aıta keteıik, aqpannyń 17-si kúni Jambyl oblysy Jýaly aýdanyndaǵy Kóksaı shatqalynda bolǵan qar kóshkini kezinde áskerı daıydyqtaryn júrgizgen áskerıler qaza tapty. 16 adam qutqarylsa, 7 sarbaz qaıtys boldy.
