Jambyl oblysyndaǵy qarasora ósetin aýmaqty ǵaryshtan anyqtaıdy
Qarasoranyń ósý aımaǵyn naqtylaý kerek dep esepteıdi Jambyl oblystyq prokýratýrasy. Qazirgi kúni QR ІІM 1989 jylǵy topografııalyq zertteý derekterin paıdalanady. Ol kezde jabaıy qarasora 138 myń gekter jerde ósetini anyqtalǵan. Degenmen aýyl sharýashylyǵy jáne tabıǵatty paıdalaný salasy mamandarynyń pikirinshe, bul derekter eskirgen jáne ony jańartý kerek. Sebebi qazir qarasoranyń ósý aımaǵy aıtarlyqtaı azaıǵan.
Jambyl oblysyndaǵy ósý aımaǵy jyl saıyn qysqaryp keledi. Onyń azaıýyna bılik ókilderiniń kúsh salýy emes, klımat jaǵdaıynyń ózgerýi – Jambyl óńirinde jaýyn-shashynnyń azaıýy sebep boldy. Ylǵalsúıgish qarasoranyń tamyry jeti metrge deıin jetetin uzyn bolǵandyqtan shaýyp tastap, hımıkattarmen ýlaǵannan keıin de ósip, kóbeıe beredi. Biraq qýańshylyqqa shydamaıdy.
Orta Azııa klımatynyń ózgerýine baǵa bergen Dúnıejúzilik bank esebi boıynsha, 1975 – 1992 jyldar aralyǵyndaǵy Shý alqabyndaǵy qýańshylyq 1960-1974 jyldar aralyǵymen salystyrǵanda 7%-dan 18%-ǵa artqan.
Mamandar bul úrdis óse beretinin aıtady. Qýańshylyqqa ushyraǵan jerler sany jyl saıyn kóbeıip jatyr.
Boljam boıynsha, qazir qarasora ósetin aýmaq keminde 30 myń gektarǵa qysqarǵan jáne jyl saıyn qysqara beredi.
Jambyl oblystyq prokýratýrasy birinshi orynbasary Qanat Mamaevtyń sózinshe, «Esirtki qylmysyna qarsy turý!» jobasyn júzege asyrý aıasynda jabaıy ósetin qarasora kólemin anyqtaý úshin QR Tsıfrlyq damý, ınnovatsııa jáne aeroǵarysh ónerkásibi mınıstrliginiń Aeroǵarysh komıtetine hat joldandy. Onda Jambyl oblysyndaǵy qarasora aýmaǵy týraly aqparat suralǵan.
Aeroǵarysh komıteti kýltıvıralyq qarasora týraly derekter bar ekenin aıtyp, derekterdi osy saladaǵy «narko.gharysh.kz» geojúıesi arqyly QR ІІM-ne jiberdi.
Joba aıasyndaǵy jumystar úshin qajet derekti Aeroǵarysh komıtetinen alý qıyn ári qazirgi kúngi derekter joq bolǵandyqtan, Jambyl oblystyq prokýratýrasy óz usynysyn aıtty, dedi spıker.
Jambyl oblysynyń qadaǵalaý mekemesi qarasora týraly málimet alý úshin ІІM-men kelisip, Qazaqstan Respýblıkasy Bas prokýratýrasy men óńirlik prokýratýralarǵa «narko.gharysh.kz» geojúıesine qoljetimidilik alý kerek. Sonymen qatar, ІІM-ne anyqtaý tásilin jasap, jabaıy qarasorany ǵaryshtan baqylaý týraly komıtetke joldaý qajet. Sondaı-aq halyqaralyq uıymdardyń ádistemelik usynystary negizinde quramynda esirtki bar ósimdikterdiń arealdaryn anyqtaý protsesterin avtomattandyrý arqyly júrgizilgen ǵaryshtyq monıtorıng nátıjeleri týraly 2022 jylǵy málimetterdi talap etý.
Jambyl oblystyq prokýratýrasy bul derekter jabaıy qarasorany vegetatıvti jetilgenge deıin joıý jumystaryn tıimdi uıymdastyrý jáne josparlaý úshin qajet ekenin atap ótti.