Jambyl oblysyndaǵy qar kóshkinine baılanysty qaýyrt jeli iske qosyldy
ASTANA. QazAqparat - Kóksaı shatqalyndaǵy apatqa baılanysty Jambyl oblystyq TJD «qaýyrt jelini» iske qosty. Bul týraldy TJK saıty habarlady.
«2017 jyldyń 17 aqpanynda Jambyl oblysy, Jýaly aýdany, «Kóksaı» shatqalyndaǵy Alataý aýylynda oryn alǵan qar kóshkinine baılanysty Jambyl oblystyq TJD halyqqa psıhologııalyq jáne aqparattyq qoldaý tanytý maqsatynda táýlik boıy qyzmet kórsetetin 8 (7262) 51-41-67 «qaýyrt jeli» telefonyn iske qosty», - delingen habarlamada.
Aıta keteıik, buǵan deıin Jambyl oblysy Kóksaı shatqalynda oryn alǵan qar kóshkinine qatysty QR Qorǵanys mınıstrligi resmı málimdeme jasaǵan edi. Onda: «Jambyl oblysyndaǵy Kóksaı shatqalynda ótip jatqan 91678 áskerı bólimi áskerı qyzmetshileriniń jaýyngerlik daıyndyǵy boıynsha josparly sabaǵy barysynda kútpegen jerden qar kóshkini oryn aldy», - delingen.
Sál keıinirek, QR ІІM Tótenshe jaǵdaılar komıtetiniń resmı ókili Rýslan Imanqulov qar kóshkini astynan 10 adam qutqarylyp, 7 adamnyń múrdesi tabylǵanyn málimdegen bolatyn.
Keıinirek qutqarylǵandardyń sany artty. «Qutqarylǵandardyń sany 10-nan 16 adamǵa jetti », - dedi Rýslan Imanqulov.
