Jambyl oblysyndaǵy iri jol apatynda eki adam ajal qushty
ASTANA. QazAqparat - Jambyl oblysynyń Sypataı batyr aýyly mańyndaǵy tasjolda birneshe kólik soqtyǵysty, áıel men bala ajal qushty, dep habarlaıdy QazAqparat aımaqtyq Іshki ister departamentine silteme jasap.
«14 shilde kúni saǵat 16:12-de Merki aýdanynyń jedel járdem qyzmetine Sypataı batyr aýyly mańyndaǵy avtojolda birneshe avtokóliktiń soqtyǵysqandyǵy jóninde aqparat tústi», - dep málim etti ІІD-niń baspasóz qyzmetinen.
Oqıǵa ornyna jetken polıtsııa qyzmetkerleri anyqtaǵandaı, «Mercedes-Benz» kóligin tizgindegen 27 jastaǵy júrgizýshi birinen soń biri úsh kólikti soqqan, olardyń biri jol-patrýldik polıtsııasy batalonynyń qyzmettik mashınasy bolyp tabylady.
Jol apaty saldarynan 1962 jyly týǵan áıel men 2015 jyly dúnıege kelgen qyz bala oqıǵa ornynda mert boldy. Úsh jolaýshy men «Mercedes-Benz»-tiń júrgizýshisi aýrýhanaǵa jetkizildi.
ІІD-niń aqparatyna sáıkes, atalmysh fakti QR QK 345-baby 4-bóligi boıynsha Biryńǵaı sotaldy tergeý tizilimine tirkeldi. Birqatar saraptama taǵaıyndaldy, sotqa deıingi tergeý bastaldy.
