Jambyl oblysyndaǵy elektr júıeleriniń 70 paıyzy tozǵan
TARAZ. QazAqparat – Jambyl oblysynda elektr júıeleriniń tozýynan 40 myńdaı kılovat energııa ýaqytyly berilmeýde, dep habarlaıdy QazAqparat tilshisi.
Jalpy oblys turǵyndary táýligine 170 megavatt elektr energııasyn tutynady. 10 aýdan men oblys ortalyǵyna elektr qýatyn taratýǵa «Jambyl elektr júıesi» mekemesi jaýapty. Oǵan qarasty 14 myń shaqyrym áýe jelisi men 3 myńǵa tarta transformatorlyq beketter bar desek, jylyna onyń 12 paıyzy ǵana jańartylyp otyrady eken. Al, tolyqtaı jańǵyrtý úshin 25 jyldaı ýaqyt ketedi eken.
Mamandardyń aıtýynsha, eskirgen júıeleri turǵyndarǵa elektr energııasy turaqty jetkizilýine kedergi keltirip otyr.
«Aımaqtaǵy elektr júıeleriniń 70 paıyzy tozǵan. Ony jylda ózimizdiń tarapymyzdan laboratorııalyq synaq jasap, tekserip, ári qaraı eksplýatatsııa jasap jatyrmyz. Al endi tipten jaramaı qalǵandaryn aýystyrýdamyz. Keri áserin tıgizgende Barlyq eksplýatatsııadan 5-10 paıyzy jylda bizde apatty jaǵdaıda bolyp elektr qýatynyń qalypty taralýyna kedergi keltirýde»,- deıdi Jambyl elektr júıesi mekemesi bas dırektorynyń orynbasary Túımebaı Serjanov.