Jambyl oblysyndaǵy dala órti 6 kúnnen keıin sóndirildi
NUR-SULTAN. QazAqparat – Jambyl jáne Shyǵys Qazaqstan oblystaryndaǵy tabıǵı órt toqtatyldy, dep habarlaıdy QazAqparat QR ІІM Tótenshe jaǵdaılar komıtetiniń baspasóz qyzmetine silteme jasap.
«18 shilde kúni Jambyl oblysy Moıynqum aýdany Qarabóget aýylynan 50 shaqyrym jerde, «Moıynqum orman jáne janýarlar dúnıesin qorǵaý jónindegi mekemesi» KMM aýmaǵynda bastalǵan,
Tilsiz jaýdy aýyzdyqtaýǵa 198 adam jáne TJD, orman sharýashylyǵy jáne erikti órtke qarsy qurylymynan 48 adam jumyldyryldy.
Sonymen qatar, Shyǵys Qazaqstan oblysy, Ulan aýdany Manat aýylynan 11 shaqyrym jerde «Asý-Bulaq orman sharýashylyǵy» KMM aýmaǵynda 23 shilde kúni bastalǵan, 22 ga jerdi sharpyǵan orman órti 24 shilde saǵat 16:30-da sóndirildi.
Órt sóndirýge «Asý-Bulaq orman sharýashylyǵy» KMM-niń 104 jumysshysy men 11 tehnıka jumyldyryldy.
Eske sala ketsek, biz buǵan deıin Jambyl oblysy Moıynqum aýdany Qarabóget aýylynan 50 shaqyrym qashyqtyqta Moıynqum orman jáne janýarlar dúnıesin qorǵaý mekemesiniń aýmaǵynda qumdy jerde qurǵaq shóp pen sekseýil janyp jatqanyn habarlaǵan bolatynbyz.
