Jambyl oblysyndaǵy blokpostardan eki aıda 800 myńnan astam jolaýshy ótken
Oblystyq polıtsııa departamentiniń basshysy Janat Súleımenov Jýaly aýdanyndaǵy blokposty alýǵa qatysty. Ol osynda eńbek etken barlyq qyzmetkerge alǵys hat tabys etti. Departament basshysy syn sátte óz úıinen jyraqta, dalada aıanbaı ter tókkenderge rızashylyǵyn jetkizdi.
Jýaly aýdandyq ortalyq aýrýhanasynyń aǵa medbıkesi Alma Jumamurat pen volonter Sholpan Jalǵasbaı blokpost jumysynyń aıaqtalýyna baılanysty polıtsııa departamentiniń basshysyna qıyn ýaqytta kórsetken jan-jaqty qoldaýy men qamqorlyǵy úshin alǵys aıtty.
Statıstıkaǵa sáıkes, 31 naýryz ben 30 mamyr aralyǵynda Jambyl oblysyndaǵy blokpostar arqyly 800 myńnan astam adam jáne 700 myń kólik ótken.
Karantın kezinde oblystyq jáne aýdandyq blokpostarda 216 polıtseı, 115 medqyzmetker, 112 áskerı jáne 37 ákimshilik qyzmetker qyzmet atqarǵan.
