Jambyl oblysyndaǵy balabaqshalar antıterrorıstik qorǵanys tólqujatyn aldy
TARAZ. QazAqparat - Jambyl oblysynda antıterrorıstik qorǵanys tólqujatyn 308 balabaqsha aldy, dep habarlaıdy «QazAqparat» HAA Jambyl oblystyq ákimdiginiń bilim basqarmasyna silteme jasap.
Basqarma deregi boıynsha, qazirgi tańda Jambyl oblysynda 51 746 balany tárbıelep otyrǵan 477 mektepke deıingi bilim berý mekemeleri jumys istep jatyr. Olardyń arasynda 44 415 balany qabyldaıtyn 327 balabaqsha men 7 331 oryndyq 150 shaǵyn ortalyqtar bar.
Budan bólek, 251 balabaqsha aýmaǵyna vıdeobaqylaý kameralary ornatylǵan.
Tarazda 19 587 balany qamtıtyn 110 mektepke deıingi bilim berý mekemesi jumys isteýde. Olardyń ishinde 44 memlekettik jáne 45 jeke balalar baqshasy, 20 memlekettik jáne bir jeke shaǵyn ortalyq bar.
