Jambyl oblysyndaǵy atys: Bir adam qaza taýyp, jeteýi jaralandy
TARAZ. QazAqparat - Jambyl oblysynyń polıtsııasy atys saldarynan kóz jumǵan Qarakemer turǵynynyń ólimine baılanysty tergeý jumystaryn júrgizip jatyr, dep habarlaıdy «QazAqparat» HAA tilshisi Jambyl oblysy ІІD baspasóz qyzmetine silteme jasap.
Quqyq qorǵaý vedomostvosynyń túsindirýinshe, 6 qarasha kúni keshqurym avtomobıl ishinde eki jolaýshy kerisip qalǵan. Munyń sońy top bolyp atysýǵa soqtyrdy.
«Tergeý barysynda, shamamen 18.30-da Jambyl aýdanyndaǵy Asa eldi mekeninen Qumtıynǵa baǵyt alǵan kólik ishinde eki jolaýshynyń arasynda janjal týyndaǵan. Saldarynan tún ortasyna taman Asa men Qumtıyn turǵyndary bytyraly tegis uńǵyly myltyqpen atysqan».
Keýdesine tıgen oqtan jaralanǵan 30 jastaǵy Jambyl aýdany Qarakemer aýylynyń turǵyny ajal qushty.
Ortalyq aýdandyq aýrýhanaǵa atys saldarynan túrli jaraqat alǵan 7 adam júgindi.
Qylmystyq is aıasynda sot-medıtsınalyq saraptama taǵaıyndaldy. Sot aldy tergeý júrgizilýde»,- dep naqtylady Jambyl oblysy ІІD baspasóz qyzmeti.
