Jambyl oblysyndaǵy altyn shahtasynda jumysshy mert boldy
TARAZ. QazAqparat - Qaıǵyly oqıǵa Jambyl oblysynyń Moıynqum aýdanynda, «Altynalmas» AK» AQ-tyń Aqbaqaı fılıalynda bolǵan, dep habarlaıdy QazAqparat tilshisi óńirdiń tótenshe jaǵdaılar departamentiniń baspasóz qyzmetine silteme jasap.
«26 shilde kúni 9:44-te Moıynqum aýdanynda, «Altynalmas» AK» AQ Aqbaqaı fılıalynda 26 jastaǵy jumysshy belgisiz sebeptermen shahtaǵa qulap, qaza tapqan. Óndiris protsesi buzylmaǵan», - dep málimdedi Jambyl oblystyq TJD baspasóz qyzmeti.
Jazataıym oqıǵany tekserý úshin arnaıy komıssııa jasaqtalǵan.
2018 jyldyń basynda «Aqbaqaı» ýchaskesiniń úsh úńgýshisi gazdan ýlaný belgilerimen dáriger kómegine júgingen.
Sarapshylardyń aıtýynsha, taý-ken óndirisinde jumys berýshiniń nemese jumysshylardyń qaýipsizdik talaptarynyń saqtamaýy jıi qaıǵyly oqıǵalarǵa soqtyrady.
Aqbaqaı altyn shyǵarý fabrıkasy óńirdegi iri ınnovatsııalyq-ındýstrııalyq jobalardyń biri.
