Jambyl oblysynda jylyna 150 myń tonna qant óndiretin zaýyt salynady
TARAZ. QazAqparat – Jambyl oblysy Shý aýdanynda táýligine 8 myń tonna qyzylsha óndeıtin qant zaýytynyń qurylysy bastalady, dep habarlaıdy QazAqparat tilshisi.
Kásiporyn «Taraz hımııalyq parki» arnaıy ekonomıkalyq aımaǵynda boı kóteredi. Bul týraly oblys ákimi Asqar Myrzahmetovtiń atalmysh ekonomıkalyq aımaqta joba júrgizýge nıetti kásipkerlermen kezdesýinde aıtyldy. Basqosýda aımaq basshysy qant zaýytynyń qurylysyn ýaqyt sozbaı bastaýdy tapsyrdy. Óz kezeginde joba ıeleri zaýyttyń irgetasyn qalaýǵa osy jyldyń qazan aıynan kirisetinderine sendirdi.
Qazirgi ýaqytta jobany júzege asyrý boıynsha «Qyzylsha» JShS kompanııasy tıisti jumystar júrgizýde. Zaýyt táýligine 8 myń tonna qyzylshany óńdep, jylyna 150 myń tonna qant óndirýge qýatty bolmaq. Joba quny 200 mıllıon evro bolatyn kásiporyn 2022 jyly tolyǵymen iske qosylady dep kútilýde. Qurylys jumystaryna 300-ge jýyq adam tartylmaq.
Jobanyń maqsaty – turaqty shıkizat bazasyn qurý jáne qant óndirisinde ozyq tehnologııalardy qoldaný arqyly el úshin áleýmettik mańyzy bar taýarlardyń biri – qanttyń turaqty jáne sapaly óndirisin qamtamasyz etý.
Zaýytty shıkizatpen qamtamasyz etý úshin óńirde 30 myń gektar jerdi ıgerip, aınalymǵa engizý josparlanǵan. Qazirgi ýaqytta qant qyzylshasyn jeke jáne birlesip ósirý maqsatynda jergilikti fermerlermen yntymaqtastyq boıynsha belsendi sharalar atqarylýda.
