Jambyl oblysynda jyl basynan beri 957 adam QR azamattyǵyn alǵan
TARAZ. QazAqparat – Jambyl oblystyq polıtsııa departamenti kóshi-qon qyzmeti basqarmasynyń qyzmetkerleri qazaqstandyq jáne sheteldik azamattarǵa arnalǵan túrli qujattardy resimdeý boıynsha júıeli jumystar júrgizýde, dep habarlaıdy QazAqparat tilshisi.
Oblystyq polıtsııa departamentiniń derekterine qaraǵanda, shetel azamattaryna 5378 ruqsat qujattary berilgen. Nátıjesinde, memleket kirisine 77 mıllıonnan astam teńge aýdarylǵan. Bul týraly.
«Qazaqstan Respýblıkasynyń 66910 azamatyna 15274 pasport jáne 54447 jeke kýálik qujattary berilgen. 8524 shetel azamaty, 64 azamattyǵy joq tulǵa ýaqytsha tirkelgen. Qazaqstan Respýblıkasynyń azamattyǵyna 957 adam qabyldansa, azamattyqtan aıyrylýdyń 53 faktisi tirkeldi, 769 jumys vızasy berilip, 82 vıza uzartyldy. Memleket kirisine 55,5 mıllıon teńge aýdaryldy»,- delingen quzyrly organnyń baspasóz qyzmetiniń habarlamasynda.
Sonymen qatar, Jambyl oblysy PD kóshi-qon qyzmeti qıyn jaǵdaıǵa tap bolǵan azamattarǵa kómek kórsetýde. Máselen, kóshi-qon qyzmetin kóp balaly ana, Qyrǵyz Respýblıkasynyń azamatshasy turýǵa yqtııarhat alý týraly ótinishpen júgingen. Mamandar kópbalaly anaǵa az ýaqyttyń ishinde qajetti qujattardy rásimdeýge, Taraz qalasyna qaıta tirkeýge jáne qujattyń qoldanylý merzimin uzartýǵa kómektesti.
