Jambyl oblysynda jyl basynan beri 8 bala terezeden qulap ketken
TARAZ. QazAqparat – Bıylǵy jyl basynan beri Jambyl oblysynda balalardyń terezeler men balkondardan qulaýynyń 8 deregi tirkeldi, dep habarlaıdy QazAqparat tilshisi.
Jambyl oblysynda 2-den 12 jasqa deıingi balalar terezeler men balkondardan abaısyzda qulap ketken. Jyl basynan beri osyndaı 8 jazataıym oqıǵa boldy. Olardyń barlyǵynda ata-analar qaýipsizdik erejelerin saqtamaǵan.
Osylardyń qatarynda 15 jastaǵy jasóspirimniń 5-shi qabattyń balkonynan qulaýynyń 1 deregi jáne kámeletke tolmaǵan jasóspirimniń 5 qabatty úıdiń shatyrynan qulaýdyń 1 deregi tirkelgen.
Eki derek te qaýipsizdik tehnıkasyna nemquraıly qaraýdan, bıikke shyǵý qaýpiniń aldyn alý erejelerin saqtamaý, sondaı-aq eresekterdiń kámeletke tolmaǵan balalardyń bos ýaqytyn tıimdi ótkizýge nazar aýdarmaýynan bolǵan.
Bul týraly oblystyq polıtsııa departamentiniń baspasóz qyzmeti habarlady.
«Eshqashan terezelerdegi moskıt torlaryna senbeńiz, olar qulaýdan qorǵamaıdy. Múmkindiginshe terezelerge metall torlardy jáne tereze tutqalaryna arnaıy qurylǵylardy ornatý kerek. Páterler men úılerdi jeldetý úshin náresteniń qol jetpeıtin tereze kózderin ashyńyz jáne terezeniń aldyna ár túrli jıhazdy qaldyrmańyz. Kámeletke tolmaǵandarǵa uzaq ýaqyt qaraýsyz balkonda ýaqyt ótkizýge jáne oınaýǵa, onyń ishinde foto jáne beınerolıkter túsirýge jol bermeńizder», - dep saq bolýǵa shaqyrdy vedomstvo ókilderi.
