Jambyl oblysynda jyl basynan beri 60-tan asa kólik urlanǵan
TARAZ. QazAqparat – Jambyl oblysynda jyl basynan beri 61 avtokólik urlyǵy tirkeldi, dep habarlaıdy QazAqparat tilshisi.
Bıylǵy jyldyń 10 aıynda Jambyl oblysynyń polıtsııa departamenti 61 avtokólik urlyǵyn tirkedi.
Salystyrmaly túrde aıtsaq, ótken jyly osyndaı 67 urlyq tirkelgen. Búginde 40 avtokólik urlyǵy ashylyp, sotqa joldanǵan.
Bul baǵyttaǵy urlyq qylmysynyń ashylý kórsetkishi 67 paıyzdan asady. Bul týraly oblystyq polıtsııa departamentiniń baspasóz qyzmeti habarlady.
«Atalǵan qylmys úshin QR QK 200-baby boıynsha qylmystyq jaýapkershilik kózdelgen. Baptyń sanktsııasy jasalǵan áser saldarynyń aýyrlyǵyna qaraı, bir myń aılyq eseptik kórsetkishke deıingi mólsherde aıyppul salýdan on jylǵa deıingi bas bostandyǵynan aıyrýdy kózdeıdi» delingen avedmstvo habarlamasynda.
Jambyl oblysynyń polıtsııa departamenti kólikterdi qaraýsyz nemese kúzetilmeıtin turaqtarda qaldyrmaýǵa, olardy dabyl quralymen jabdyqtaýǵa shaqyrady.
