Jambyl oblysynda jyl basynan beri 400 kg astam esirtki zaty tárkilengen
Jambyl oblysynda jyl basynan beri zańsyz aınalymnan 400 kılogrammnan astam esirtki zaty tárkilengen. Bul týraly oblystyq Polıtsııa departamentiniń baspasóz qyzmeti habarlady.
Habarlamada Jambyl oblysynyń PD Esirtki qylmysyna qarsy is-qımyl basqarmasynyń qyzmetkerleri kórsetilgen merzimde 162 esirtki qylmysyn anyqtaǵany aıtylǵan.
«Anyqtalǵan qylmystardyń ishinde esirtkini ótkizýdiń 40 deregi, ony asa iri kólemde saqtaýdyń 19 deregi, esirtki quraldaryn nasıhattaýdyń 3 deregi nemese ony zańsyz jarnamalaý, esirtki quraldary kontrabandasynyń eki deregi jáne esirtkini paıdalaný úshin prıtondar uıymdastyrý jáne ustaý derekteri bar. Sondaı-aq, zańsyz aınalymnan 400 myń kılogrammnan astam túrli esirtki quraldary, onyń ishinde 17 kılogrammnan astam gashısh, bir kılogrammnan astam geroın jáne bir kılogrammǵa jýyq sıntetıkalyq esirtki tárkilendi»,-delingen vedomstvo málimdemesinde.