Jambyl oblysynda jyl basynan beri 18 adam sýǵa ketip ajal qushty
TARAZ. QazAqparat – Jambyl oblysynda jyl basynan beri sý aıdyndarynda 16 qaıǵyly oqıǵa oryn alyp, saldarynan 18 adam kóz jumdy, dep habarlaıdy QazAqparat tilshisi.
Al, ótken jyly 24 adam sýǵa batyp ketken.
Jambyl oblysy TJD bastyǵy Ermek Mombaevtyń aıtýynsha, bıyl sýǵa aǵyp ketkenderdiń 9-y bala bolǵan.
Sondaı qaıǵyly oqıǵalardyń biri osy jyldyń 28 qarashasynda oryn aldy. Baızaq aýdanyndaǵy Úlgili aýyly mańynda 9 jáne 6 jastaǵy eki bala sýarmaly kanalda oınap júrip, muz astyna túsip ketken.
Departament basshysy qys mezgilindegi muzdaǵy qaýipsizdiktiń aldyn alý maqsatynda aǵymdaǵy jyldyń qazan aıynan bastap 86 reıd pen patrýldeý júrgizilgenin jetkizdi. Onyn barysynda 3000-nan asa áýesqoı balyqshylarǵa túsindirý jumystary júrgizilip, jadynamalar taratylǵan.
«Oblys turǵyndaryna qys mezgilde sý aıdyndardaǵy qaýipsizdik erejelerin saqtaý jóninde buqaralyq aqparat quraldary arqyly 68 maqala jaryq kórdi, onyń ishinde telearnalarda 3 shyǵarylym uıymdastyryldy. Baspa basylymdarda - 16, radıoda -5, daýys kúsheıtkish quraldary arqyly - 31, ınternet resýrstarǵa -13 aqparattyq anyqtamalar joldandy. Oblystyń bilim berý uıymdarynda «ZOOM» platformasy arqyly onlaın rejıminde 15
sabaq ótkizilip, onda 1 566 oqýshy men 500 jýyq muǵalim qamtyldy. Sonymen qatar, sý sharýashylyǵy ıelerimen 1 brıfıng jáne 2 dóńgelek ústel otyrysy uıymdastyryldy»,- deıdi Ermek Mombaev.
