Jambyl oblysynda jurtshylyqty az paıyzben nesıe áperemin dep aldaǵan alaıaq ustaldy

TARAZ. QazAqparat - Merki aýdanynyń polıtsııa bólimine alaıaqtyqtyń qurbany bolǵan 30 jastaǵy jergilikti turǵyn shaǵymdandy, dep habarlaıdy QazAqparat tilshisi oblystyq polıtsııa departamenti baspasóz qyzmetiniń habarlamasyna silteme jasap.

Jábirlenýshiniń aıtýynsha, beıtanys áıel ony jyldyq stavkasy 2,5 paıyzben 886 myń teńge kóleminde nesıe alýǵa kómektesetinine sendirgen. Jábirlenýshini nesıeniń tómen paıyzdyq mólsherlemesi qyzyqtyrǵan. Kúdikti áıel onyń senimin paıdalanyp, telefon arqyly nesıe rásimdeýge jáne óz shotyna 886 000 teńge kólemindegi aqshany aýdarýǵa kóndirgen.

Jedel izdestirý is-sharalarynyń nátıjesinde polıtsııa qyzmetkerleri Almaty oblysynyń 22 jastaǵy turǵynyn ustady, sondaı-aq onyń osyǵan uqsas qylmysqa qatysy bar ekendigi anyqtady.

Bıyl 20 qańtarda kúdikti osyndaı tásilmen Merki aýdanynyń 58 jastaǵy turǵynynyń senimine kirip, odan 1 000 000 teńgeni aldap alǵan.

«Atalǵan derekke qatysty Qazaqstan Respýblıkasy Qylmystyq kodeksiniń 190-baby 3-bóligi 4-tarmaǵy, alaıaqtyq boıynsha sotqa deıingi tergeý amaldary bastaldy. Kúdikti óz kinásin tolyq moıyndady, qazirgi ýaqytta ýaqytsha ustaý ızolıatoryna qamaqqa alyndy» delingen habarlamada.

Buǵan deıin Jambyl oblysynda 80 jastaǵy qarııa 5 jasar qyzǵa alma berip, uıaly telefonyn alyp ketkenin jazǵan bolatynbyz.