Jambyl oblysynda júk poıyzynyń vagondary relsten shyqty
ASTANA. QazAqparat - Jambyl oblysynda júk poıyzynyń vagondary relsten shyǵyp qaldy, dep habarlaıdy QazAqparat «QTJ-Júk tasymaly» saıtyna silteme jasap.
«12 aqpan kúni 13 saǵat 53 mınýtta Jambyl jol bóliminiń Shý-Otar ýchaskesiniń Kóktóbe-Espe aralyǵynda №3406 júk poıyzynyń vagondary relsten shyqty», - dep habarlaıdy «QTJ-Júk tasymaly» baspasóz qyzmeti.
Qurbandar men zardap shekkender joq.
Oqys oqıǵa saldaryn joıý úshin Shý jáne Almaty stansalarynyń qalpyna keltirý poıyzdary jumyldyryldy.
Poıyzdar ekinshi jolmen qatynap jatyr. Oqıǵanyń mán-jaıy tekserilýde.
