Jambyl oblysynda júk poıyzy jeńil kólikke soǵyldy
TARAZ. QazAqparat - Temirjoldaǵy oqys oqıǵa Jambyl oblysynda boldy, dep habarlaıdy QazAqparat óńirlik TJD-nyń baspasóz qyzmetine silteme jasap.
«Oqıǵa búgin tańǵy 05:20-da Moıynqum aýdanyndaǵy Shyǵanaq-Býrylbaıtal temirjol ótkelindegi 1 340 shaqyrymda bolǵan. «Qaraǵandy - Shý» baǵytyndaǵy №2837 júk poıyzy jeńil kólikpen soqtyǵysty», - delingen habarlamada.
Qatty soqqy saldarynan avtomobıl órtke orandy. Jol apatynan eshkim zardap shekken joq. Júk poıyzy quramynda 50 vagon bolǵan.
«Oqıǵaǵa baılanysty «Saryaǵash - Astana» jáne «Otar - Ekibastuz» baǵytyndaǵy jolaýshylar poıyzdary bir jarym saǵat shamasynda bógelip qaldy. Tańǵy saǵat jetide temirjol qozǵalystary qalpyna keldi», - dep habarlady Jambyl oblystyq TJD-nyń baspasóz qyzmeti.
