Jambyl oblysynda jolǵa shyqqan maldary úshin 27 adam aıyppul tóledi
Úı janýarlarynyń jolǵa shyǵyp ketýinen bolatyn kólik oqıǵalaryn eskertý jáne jol qozǵalysy qaýipsizdigin qamtamasyz etý maqsatynda Jambyl oblysy Polıtsııa departamentiniń qyzmetkerleri oblystyq jáne respýblıkalyq mańyzy bar joldarǵa jaqyn ornalasqan eldi mekenderdiń turǵyndary men qosalqy sharýashylyq ıeleri arasynda aldyn alý jumystaryn júrgizýde.
Jalpy 27 qazannan bastap mal jaıý erejelerin buzýdyń 269 deregi anyqtaldy, 242 eskertý jasalyp, 27 ákimshilik aıyppul salyndy.
«31 qazan-1 qarasha aralyǵynda aýdandardyń jergilikti atqarýshy organdarymen, onyń ishinde ákimdermen, veterınarııalyq dárigerlermen jáne prokýratýra qyzmetkerlerimen birlesip, Qazaqstan Respýblıkasy Ákimshilik quqyq buzýshylyq týraly kodeksiniń 408-babynyń 1-bóligi boıynsha 44 derek anyqtaldy. Atap aıtqanda, Baızaq aýdanynda 5 derek, Jýaly aýdanynda – 5, Qordaı aýdanynda – 3, Merki aýdanynda – 2, Moıynqum aýdanynda – 5, Turar Rysqulov aýdanynda – 9, Sarysý aýdanynda – 4, Talas aýdanynda -11 derek. Sonymen qatar, úı janýarlaryn jaryq shaǵylystyrǵysh elementtermen jabdyqtaý qajettigi týraly, sondaı-aq avtomobıl joldarynyń janynda mal jaıýǵa jol bermeý týraly halyqpen keń kólemde túsindirý jumystary júrgizilýde», – dep habarlady Jambyl oblysynyń PD JPQB bastyǵy Rahymberdi Áshkeev.
