Jambyl oblysynda joldardan 8 myńnan astam aqaý anyqtaldy
Tekserý barysynda oblystyń avtojoldarynan 8 198 aqaý anyqtalǵan. Tekserý nátıjeleri boıynsha jol mekemeleriniń basshylaryna qatysty oryndaýǵa 1284 nusqama berilse, avtomobıl joldaryn kútip ustaýdaǵy kemshilikter boıynsha jergilikti atqarýshy organdarǵa 529 aqparat jiberilgen.
«Kólik joldaryn qanaǵattanarlyqsyz kútip ustaǵany jáne jol qozǵalysy qaýipsizdigin qamtamasyz etpegeni úshin 218 laýazymdy tulǵa ákimshilik jaýapkershilikke tartyldy. Onyń ishinde Merki jáne Moıynqum aýyldyq okrýgteriniń, Taraz qalasy ákimdiginiń turǵyn úı-kommýnaldyq sharýashylyq bóliminiń jáne Turar Rysqulov aýdanynyń mamandary, Baızaq aýdanynyń aýyldyq okrýgteriniń ákimderi jáne zań fırmalary bar», – dep habarlady oblystyq Polıtsııa departamenti Ákimshilik polıtsııa basqarmasy bastyǵynyń orynbasary polıtsııa podpolkovnıgi Nıkolaı Son.
QR ÁQBtK-niń 631-baby 1-bóligi boıynsha joldarda jumystardy júrgizý, joldardy, temirjol ótkelderin jáne basqa da jol qurylystaryn kútip ustaý jónindegi talaptardy oryndamaǵany úshin 145 laýazymdy, 15 jaýapty tulǵa osy is-áreketi úshin, al saldary jol-kólik oqıǵasyna ákep soqqany úshin (QR ÁQBtK-niń 631-baby 2-bóligi) jaýapkershilikke tartylǵan.
Sondaı-aq 52 laýazymdy tulǵaǵa qatysty QR ÁQBtK-niń 630-baby 1-bóligi boıynsha joldardy, temirjol ótkelderin jáne basqa da qurylystardy nemese jol qozǵalysyn retteýdiń tehnıkalyq quraldaryn búldirgeni úshin ákimshilik hattamalar toltyrylǵan. Al Taraz qalalyq Polıtsııa basqarmasy bergen nusqamalardy oryndamaǵany úshin Shý jáne Merki aýdandarynyń polıtsııa bólimderimen QR ÁQBtK 462-babynyń 3-bóligi boıynsha aýdannyń avtojoldaryn kútip ustaýǵa jaýapty 6 laýazymdy tulǵa ákimshilik jaýapkershilikke tartylǵan.
Buǵan deıin Jambyl oblysynda jyldamdyq asyryp, jol erejesin buzǵandar kóbeıgenin habarlaǵan bolatynbyz.
