Jambyl oblysynda joldardan 5000-nan astam aqaý anyqtalǵan
TARAZ. QazAqparat – Jambyl polıtseıleri oblys joldaryndaǵy 5000-nan astam aqaýdy anyqtady, dep habarlaıdy QazAqparat tilshisi.
Jambyl oblysynyń Polıtsııa departamenti jol qozǵalysy qaýipsizdigin qamtamasyz etý jáne apattylyqty turaqtandyrý maqsatynda jyl basynan beri oblystyń kólik joldaryna 752 tekseris júrgizip, 5000-nan astam aqaýlardy anyqtady. Ol boıynsha jergilikti atqarýshy organdarǵa oryndaýǵa 752 uıǵarym jiberilip, joldardy jóndeý men kútip ustaýdy júzege asyratyn merdigerlik uıymdardyń 87 laýazymdy tulǵasy ákimshilik jaýapkershilikke tartylǵan.
«Júrgizilgen tekserýler nátıjesinde oblystyń kólik joldarynda 378 jol belgileri ornatyldy, 1600 shaqyrymnan astam jol belgileri qoıyldy, 10 000 sharshy metrden astam shuńqyrlardy jóndeý júzege asyryldy, 26 jol býferi aýystyryldy, 896 belgi baǵanalary men 3530 katafotalar ornatyldy», – dedi Jambyl oblysynyń PD Ákimshilik polıtsııa basqarmasynyń bastyǵy Mámbet Smaılov.
