Jambyl oblysynda jol jóndeý barysynda jiberilgen kemshilikter qalpyna keltirilýde
TARAZ. QazAqparat - Jambyl oblysy ákimdiginiń ókilderi aımaqta júrgizilgen jol jóndeý jumystarynan soń merdigerlerdi jiberilgen kemshilikterdi qalpyna keltirýge májbúrleý máselesi sóz boldy, dep habarlady «QazAqparat» HAA tilshisi oblys ákiminiń baspasóz qyzmetine silteme jasap
Búginde óńirde jol qurylysy qarqyndy júrip jatyr. Oblys aýmaǵy boıynsha respýblıkalyq mańyzy bar jol - 1 237 shaqyrym, ony qaıta jańartý úshin bıýdjetten 4,9 mlrd teńge qajet. 495 shaqyrym Batys Eýropa - Batys Qytaı transqurylyqtyq dáliziniń qurylysy aıaqtaldy.
Bıyl uzyndyǵy 40 shaqyrym Qordaı asýyndaǵy joldyń ekinshi jartysynyń qurylysy bastaldy. Kelisimshart somasy 9,3 mlrd teńgeni quraıdy. Aqsúıek-Býrylbaıtal jolyn qaıta jóndeý boıynsha baıqaý rásimderi ótýde, Merki - Shý - Býrylbaıtal respýblıkalyq mańyzy bar joldy qaıta jóndeý boıynsha «Eksımbankpen» nesıelik kelisimge qol qoıyldy.
Jambyl oblysynyń ákimi Ǵalymjan Ábdiraıymov jol jóndeý boıynsha ótken májiliste birneshe jyldan beri tenderdi jeńip alyp kelgen merdigerlermen kezdesti. Jergilikti atqarýshy organdar merdigermen búkil jaýapkershilikti alatyndaı kelisimshart jasaıdy. Soǵan qaramastan oblystyń aýdandaryndaǵy 15 ýchaskede jóndelgen jol talaptarǵa sáıkes kelmeıdi.
Koreılik bedeldi «KSS» kompanııasy jumys istegen Batys Eýropa - Batys Qytaı avtobanynda da aqaýlar tabyldy.
Ǵalymjan Ábdiraıymov osy ýchaskelerde jumys istegen kompanııalar onyń aqaýyn joıýy tıis ekenin atap ótti.
«Kópshilikteriń ótken jyly nusqama alǵansyńdar, biraq áli kúnge deıin eshteńe jasalǵan joq, - dedi ákimniń orynbasary.
«Qazir kemshilikterdi joıý úshin ketetin naqty merzimdi aıtýlaryńyzdy suraımyn».
Merdigerlik uıym basshylary kemshilikterdi joıýǵa jaýyn-shashyn, joldy shaıyp ketken aǵyndy sý kedergi keltirgenin aıtty, alaıda jol kompanııalarynyń ókilderi taıaý ýaqytta paıda bolǵan oıyqtar men jarylǵan jerlerdi qalpyna keltirýge ýáde berdi.
«Bir aı ishinde joldar qandaı jaǵdaıda ekenin baqylaýǵa shyǵamyn», - dedi sóziniń sońynda Ǵalymjan Ábdiraıymov.
«Sondyqtan bizdiń talabymyzǵa túsinistikpen qarap, problemalyq ýchaskelerdi jedel jónge keltirýdi suraımyn. Bul jumysty biz aıtpaı-aq jasaýlaryń qajet, sebebi áńgime kompanııalaryńnyń bedeli týraly bolyp otyr»,-dedi ol.
