Jambyl oblysynda jol boıyndaǵy dámhana órtendi
TARAZ. QazAqparat - Batys Eýropa-Batys Qytaı tasjolynyń boıynda ornalasqan dámhana órtendi, dep habarlaıdy Jambyl oblystyq TJD-niń baspasóz qyzmetine silteme jasaǵan «QazAqparat» HAA.
«Baızaq aýdanyndaǵy Aq Sholaq stansasynyń qasynda, Batys Eýropa-Batys Qytaı kólik jolynyń 460-shy shaqyrymyndaǵy Almaty-Tashkent ýchaskesinde bir qabatty «Alyp» dámhanasy órtendi. Órt saldarynpan ǵımarattyń tóbesi opyrylyp tústi», - dep habarlady vedomstvo.
Órt oblystyq TJD «ÓSAQJQ» MM qyzmetkerleriniń kúshimen bir saǵatta aýyzdyqtalyp, bir saǵat, on bes mınýtta sóndirildi. Jalynmen kúreske 14 qyzmetker jáne tórt tehnıka jumyldyrylǵan.
Órtke gaz jabdyqtaryn paıdalaný erejeleriniń buzylýy sebep bolýy múmkin degen boljam jasalyp jatyr, dep naqtylady Jambyl oblystyq TJD-niń baspasóz qyzmeti.
Illıýstratsııalyq foto
