Jambyl oblysynda jol boıynan er adamnyń máıiti tabyldy
TARAZ. QazAqparat – Jambyl oblysy aýmaǵynda 3 qyrkúıek kúni tańerteń Almaty-Shymkent tasjolynyń jıeginen 29 jastaǵy er adamnyń máıiti tabyldy, dep habarlaıdy QazAqparat tilshisi.
Marqumnyń alǵan jaraqaty, oqıǵa bolǵan jerden tabylǵan kólik bamperiniń shyny jáne plastmassa synyqtary jol-kólik oqıǵasy bolǵanyn kórsetedi. Bul týraly oblystyq polıtsııa departamentiniń baspasóz qyzmeti habarlady.
«Atalǵan faktige qatysty QR QK 345-baby 3-bóligi jáne 347-baby boıynsha sotqa deıingi tergeý bastaldy. Jedel-izdestirý sharalary barysynda Jýaly aýdanynyń polıtsııa qyzmetkerleri jáne oblystyq PD JPQB «Gazel» avtokóligin basqarǵan 30 jastaǵy túrkistandyqty qolǵa túsirdi» delingen vedomstvo habarlamasynda.
Kúdikti qylmys faktilerin jasyrý úshin Shymkent qalasynyń tehnıkalyq qyzmet kórsetý stantsııasynda kóliginiń farasy men bamperin aýystyryp úlgergen. Ol óz kinásin moıyndady.
Qazirgi tańda tergeýge deıingi tekseris júrgizilip, birqatar saraptamalar taǵaıyndaldy.
