Jambyl oblysynda jol apatynan tórt adam kóz jumdy
TARAZ. QazAqparat – Jambyl oblysy Qordaı aýdanyndaǵy tasjolda adam ólimine ákep soqqan jol apaty boldy, dep habarlaıdy QazAqparat tilshisi.
Jambyl oblysy polıtsııa departamenti baspasóz qyzmetiniń málimetinshe, 10 qyrkúıekte Almaty-Tashkent respýblıkalyq mańyzy bar avtojoldyń 219-shaqyrymynda jol-kólik oqıǵasy bolǵan.
«Kúndiz shamamen 14:30-da «Volkswagen Passat» markaly avtokóliktiń 26 jastaǵy júrgizýshisi Qordaı aýyly jaǵynan Áljan Ana aýylyna qaraı kele jatqan. Avtokólikte tórt jolaýshy bolǵan. Róldi basqara almaı qalǵan júrgizýshi kólikti aýdaryp jibergen, sodan keıin avtomobıl ınertsııamen aǵashqa soǵylǵan. Jol apaty saldarynan «Volkswagen Passat» kóliginiń 26 jastaǵy júrgizýshisi men úsh jolaýshysy alǵan jaraqattarynan oqıǵa ornynda kóz jumǵan», - dep túsindirdi vedomstvonyń baspasóz qyzmeti.
Túrli jaraqat alǵan taǵy bir jolaýshy Qordaı aýylynyń Ortalyq aýdandyq aýrýhanasyna jetkizilgen.
Atalǵan fakti boıynsha QR QK 345-baby 4-tarmaǵy boıynsha sotqa deıingi tergeý amaldary bastaldy. Qajetti saraptamalar taǵaıyndaldy.
Buǵan deıin habarlaǵandaı, 9 qyrkúıek kúni Mercedes Benz avtokóliginiń 30 jastaǵy júrgizýshisi Seıfýllın kóshesimen úlken jyldamdyqpen kele jatyp, 29 jastaǵy jergilikti turǵynnyń basqarýyndaǵy Volkswagen Golf kóliginiń artqy jaǵyna soǵylǵan . Qatty soqqydan Volkswagen Golf órtene bastaǵan. Saldarynan Volkswagen Golf avtokóliginde bolǵan 21 jastaǵy jolaýshy qyz órtte qaza boldy. Osy kóliktiń 29 jastaǵy júrgizýshisi men jolaýshysy túrli dene jaraqattarymen Shý qalasynyń ortalyq aýrýhanasyna jetkizildi.
