Jambyl oblysynda jol apatynan kóz jumǵan jetkinshekter kóbeıgen

TARAZ. QazAqparat – Bıyl Jambyl oblysynda 7 aıda oblys aýmaǵynda bolǵan jol-kólik oqıǵalarynyń sany 35,9 paıyzǵa tómendegenimen, jasóspirimder men balalardyń jol apatynan kóz jumý deregi azaımaı tur, dep habarlaıdy QazAqparat tilshisi.

Óńirde jasóspirimder mingen kóliktiń jol apatyna ushyraýy 27,4 paıyzǵa, jaraqat alǵandar balalar sany 33,5 paıyzǵa, al qaza tapqan jetkinshekter qatary 46,2 paıyzǵa artqan.

Al jalpy jol apatynan qaza bolǵandar sany 18 paıyzǵa, jaraqat alǵandar 39 paıyzǵa tómendegen. Bul týraly Polıtsııa departamenti JPQB jol júrisin qadaǵalaýdy uıymdastyrý tobynyń erekshe tapsyrmalar jónindegi aǵa ınspektory-polıtsııa podpolkovnıgi Bolat Іzbasarov jýrnalıstermen ótken brıfıngte málimdedi.

«Bıyl respýblıkalyq mańyzdaǵy avtojolda 37 jol-kólik oqıǵasy bolyp, 6 jasóspirim qaza tapty jáne 52 jasóspirim dene jaraqatyn aldy. Al jergilikti mańyzdaǵy avtojolda 15 jol-kólik oqıǵasy tirkelip, 8 jasóspirim qaza boldy jáne 11 jasóspirim dene jaraqatyn aldy. Kóshe jol jelisinde 128 jol apaty bolyp, onda 5 jasóspirim kóz jumdy jáne 149 jasóspirim dene jaraqatyn aldy», – dedi Bolat Іzbasarov.

Aıta keteıik, buǵan deıin Jambyl oblysynda mıkroavtobýs janyp ketkenin habarlaǵan bolatynbyz.