Jambyl oblysynda jol apatynan bir adam qaza taýyp, beseýi zardap shekti
TARAZ. QazAqparat – Jambyl oblysynda trassadaǵy jol apatynan bir adam qaza taýyp, kólikte qysylyp qalǵan bes adam qutqaryldy, dep habarlaıdy QazAqparat tilshisi.
Jambyl oblystyq Tótenshe jaǵdaılar departamentinen málim etkendeı, Jýaly aýdandyq №7 Órt sóndirý bóliminiń baılanys pýnktine Almaty-Tashkent tas jolynyń 581-shaqyrymynda «Mercedes» jeńil kóligi kóktaıǵaq saldarynan jol shetine shyǵyp ketip, aýdarylǵany týraly habar túsken.
«Kólik ishindegi adamdar qysylyp qalǵan. Oqıǵa ornyna qutqarýshylar men jedel járdem mamandary jiberildi. Apattan qutqarý mandarynyń jáne № 7 ÓSB-niń shuǵyl is qımylynyń arqasynda 5 adam, onyń ishinde 1 bala qutqarylyp, jedel járdem qyzmetine tapsyryldy. Bir er adam oqıǵa ornynda qaza boldy», - delingen vedomstvo aqparatynda.
Atalǵan departament mamandary júrgizýshiler men jolaýshylardy jolda abaı bolýǵa, jyldamdyqty tıisti shekten asyrmaýǵa shaqyrady.
