Jambyl oblysynda jol apatyna ushyraǵan jolbarys qutqaryldy
TARAZ. QazAqparat - Almaty-Tashkent tasjolynda bolǵan jol-kólik oqıǵasynda tótenshe jaǵdaılar departamentiniń qyzmetkerleri jolbarysty qutqaryp qaldy, dep habarlaıdy QazAqparat tilshisi Jambyl oblystyq TJD baspasóz qyzmetine silteme jasap.
Oqıǵa 6 jeltoqsan kúni 14.20-da Almaty-Tashkent tasjolynyń 553-shaqyrymynda, Jýaly aýdanynyń tusynda bolǵan.
«MTS 25» (Temirtaý) jyljymaly zoobaǵynyń júk kóligi qaltarystary men burylystary kóp Kúıik taýly ótkeli arqyly ketip bara jatqan. Janýarlar artylǵan kólik osyndaı burylysta jyraǵa túsip ketip, jarda qalyp qoıǵan.
Bir saǵattan keıin Jambyl oblystyq TJD jedel-qutqarý jasaǵynyń qyzmetkerleri (5 adam, 1 tehnıka) keldi. Aýdarylǵan júk kóliginiń tıegishinen jolbarysty torǵa salyp, arnaıy kólikke tıeý kerek bolǵan.
Qutqarýshylardyń aıtýynsha, olar buryn-sońdy mundaı oqıǵaǵa tap bolmaǵan. Janýarlar tıelgen vagondy kranmen tasjolǵa ótkizý múmkin emes-ti. Jyra shetinde turǵan vagonda boıyn qorqynysh bılegen jolbarys ári-beri qozǵala bastaǵan.
«Qutqarýshylar onyń túbin motorly aramen kesip, betine eki tesik jasaý týraly sheshim qabyldaǵan. Fakeldiń kómegimen zardap shekken janýarlardy torǵa aıdap kirgizgen. Bári oıdaǵydaı aıaqtaldy. Mundaı operatsııa alǵash ret júrgizilip otyr», - dedi Jambyl oblystyq TJD-daǵylar.
