Jambyl oblysynda joǵalǵan balany izdeýge TJD tikushaǵy men AN-2 ushaǵy jumyldyryldy
TARAZ. QazAqparat – Jambyl oblysynyń Moıynqum aýdanynda Kóshaman aýylynda joǵalǵan jeti jasar balany izdeý jumystary jalǵasýda.
Ol keshe saǵat 15:00-der shamasynda úıinen atqa minip shyǵyp ketken. Osy ýaqytqa deıin onyń qaıda ekeni belgisiz, eshqandaı habar joq - dep habarlaıdy QazAqparat tilshisi.
Balany izdeýge 250-den astam adam jumyldyryldy, olardyń ishinde polıtsııa qyzmetkerleri, ákimdik, tótenshe jaǵdaılar departamentiniń ókilderi men eriktiler bar. Sonymen qatar, qosymsha kúsh retinde Ulttyq ulannyń 150 adamy men Merki aýdandyq polıtsııa bóliminiń 30 qyzmetkeri tartylǵan. Bul týraly oblystyq polıtsııa departamentiniń baspasóz qyzmeti habarlady.
Jergilikti turǵyndar arasynda júrgizilgen saýalnama barysynda balany keshki saǵat 18:00 shamasynda týǵan aýyly Kýshamannan 30 shaqyrym jerde ornalasqan Jasulan aýylynyń janynan kórgender bar bolyp shyqty. Іzdestirý jumystaryna Tótenshe jaǵdaılar departamentiniń tikushaǵy men jergilikti orman sharýashylyǵy kásiporyndarynyń biriniń AN-2 ushaǵy jumyldyryldy.
«Jambyl oblysynyń polıtsııa departamenti joǵalǵan balaǵa qatysty qandaı da bir aqparat bilgen adamdardan 8 (7262) 2-49-02, 99-73-39, 8-775-376-66-93 telefondary jáne «102» nómirine habarlasýdy suraıdy. Balanyń belgileri: aryqsha kelgen, boıy 120 sm, qara shashty. Útsinde sur fýtbolka, qyzyl kepka, qysqa shalbar jáne qara krossovka kıgen»,-delingen vedomstvo habarlamasynda.
