Jambyl oblysynda jemqorlyqpen baılanysty 300-den astam qylmys anyqtaldy
TARAZ. QazAqparat - Búgin jambyldyqtar Halyqaralyq sybaılas jemqorlyqqa qarsy kúres kúnin atap ótti. M.H.Dýlatı atyndaǵy Taraz Memlekettik ýnıversıtetiniń akt zalynda «Jemqorlyqty jeńý - bizdiń maqsatymyz» atty taqyrypta konferentsııa ótti, dep habarlaıdy QazAqparat.
«Jemqorlyqpen kúrese otyryp, biz tek osy dertke boı aldyrǵandardy jazalap qana qoımaı, azamattardyń sana-sezimderin ózgertip, jemqorlyqqa tózbeıtin orta qalyptastyrýymyz kerek»,-dedi oblystyq memlettik qyzmet isteri jáne sybaılas jemqorlyqqa qarsy kúres departamentiniń jetekshisi Maqsut Nálibaev.
Jıynda oblys ákiminiń orynbasary Rahmetildá Rahmanberdıev jemqorlyqtyń deńgeıin barynsha tómendetýge baǵyttalǵan Elbasynyń basshylyǵy aıasynda júrgizilip jatqan reformalardy sátimen júzege asyrýdyń mańyzdy ekendigin aıtty.
«Biz turǵyndarmen, úkimettik emes uıym jáne qoǵamdyq jáne dinı birlestik ókilderiniń qatysýymen arnaıy kezdesýler, dóńgelek ústel otyrystary sııaqty túrli sharalardy uıymdastyra otyryp, azamattardyń arasynda jemqorlyqqa tózbeýshilik orta qalyptastyrýǵa kúsh salyp otyrmyz»,-dedi ol.
«Nur Otan» partııasynyń oblystyq fılıalynyń tóraǵasy Shábden Tilemurat jemqorlyq áreketterin kóre tura, ol týraly «jaq ashpaý» áreketterine qarsy turý qajettigin aıtty.
2016 jyly jemqorlyqpen kúres baǵytynda atqarylǵan jumystar týraly QR sybaılas jemqorlyqqa qarsy kúres Ulttyq bıýrosy oblystyq departamentiniń jetekshisi Murat Qarymsaqov baıandady. Ol baıandamasynda oblystaǵy úlken laýazymda otyrǵan azamattar tarapynan jol berilgen jemqorlyq áreketteri týraly naqty mysaldarmen sóıledi.
Jıynda sonymen qatar 2016 jyldyń 11 aıynda Jambyl oblysy boıynsha 300-den astam jemqorlyq áreketteri oryn alǵany aıtyldy. Qylmystyq jemqorlyq áreketteri boıynsha keltirilgen shyǵyn 2 mlrd teńgege jýyqtady. Memleket ıeligine keltirilgen shyǵyn sybaılas jemqorlyqpen kúres qyzmetkerleriniń arqasynda 100 paıyz keri qaıtarylǵan.
Konferentsııa sońynda jemqorlyqpen kúreske baǵyttalǵan taqyryptar boıynsha úzdik materıaldar jazǵan jýrnalıster dıplomdarmen jáne qundy syılyqtarmen marapattaldy.
Osyndaı dıplomdy sonymen qatar «QazAqparat» HAA-niń Jambyl oblysyndaǵy tilshisi Galına Skrıpnık te aldy.
