Jambyl oblysynda «ZHEIF–2023» halyqaralyq ınvestıtsııalyq forým ótedi

TARAZ. QazAqparat - Bıylǵy 26-27 sáýirde «Kóne Taraz» tarıhı etno-mádenı kesheninde «Zhambyl Investment and Economic Forum-2023» halyqaralyq ınvestıtsııalyq forýmy ótedi, dep habarlaıdy QazAqparat.

Aýqymdy shara týrızm, ónerkásip, tsıfrlandyrý jáne aýyl sharýashylyǵy sııaqty ekonomıkanyń túrli salalary men sektorlarynda ınvestıtsııalyq múmkindikterdi ilgeriletý maqsatyna negizdelýde.

Oǵan jetekshi halyqaralyq kompanııalar men otandyq bıznestiń 700-den astam ókilderi, ınvestorlar, bedeldi sarapshylar men pikir kóshbasshylary, sondaı-aq, salalyq mınıstrlikterdiń ókilderi men kvazımemlekettik kompanııalardyń basshylary qatysady.

Halyqaralyq ınvestıtsııalyq forým kásipkerler men ınvestorlarǵa sheteldik jáne respýblıkalyq kásiporyndar men uıymdarmen baılanys ornatý, bıznes qaýymdastyq arasynda baılanys ornatý jáne áleýetti ınvestıtsııalyq múmkindikterdi zerdeleý úshin biregeı platforma usynady.

Sonymen qatar, forým qonaqtary kórnekti bıznes kóshbasshylary jáne memleket qaıratkerlerimen ótetin túrli taqyryptar boıynsha paneldik pikirtalastarǵa qatysa alady.

«ZHEIF–2023» halyqaralyq ınvestıtsııalyq forýmy – Jambyl oblysynyń qolaıly ınvestıtsııalyq ahýalyn damytýǵa yqpal etýge baǵyttalǵan.

Aıta ketý kerek, árbir bıznes ókiliniń osy is-sharaǵa qatysýy óz isine tıimdi jáne paıdaly múmkindikter men joldar ashatynyna senimdimiz. «ZHEIF–2023» halyqaralyq ınvestıtsııalyq forýmyna barshańyzdy qatysýǵa shaqyramyz!

Іs-shara týraly qosymsha aqparat alý jáne múshe retinde tirkelý úshin zheif2023.kz veb-saıtyna ótý qajet.