Jambyl oblysynda «Jedel járdem» kóligi retinde eski «Jıgýlı» paıdalanylǵan
Jaqynda áleýmettik jelilerde 1800 turǵyny bar Tamdy aýylyna qyzmet kórsetetin apatty jaǵdaıdaǵy «Jıgýlı» avtokóliginiń beınejazbasy taraǵan bolatyn. Onda aýyl turǵyndary avtokóliktiń tym eski ári apatty jaǵdaıda ekenin aıtyp, medıtsına ókilderin suraqtyń astyna alady. Sebebi kóliktiń dońǵalaǵy qısaıyp ketken ári jaryq shamdarynyń biri synǵan.
Atalǵan beınejazbaǵa baılanysty jaýap almaq bolyp biz Jambyl oblystyq densaýlyq saqtaý basqarmasynyń baspasóz qyzmetine habarlasqan edik.
«Talas aýdandyq ortalyq aýrýhanasyna qarasty Tamdy aýyldyq dárigerlik ambýlatorııasynyń jedel kólik máselesi boıynsha 2023 jylǵa tapsyrys jasalǵan. Beınejazbadaǵy kóliktiń jaǵdaıy jaqsy, tıisinshe jóndeý-tekserýden ótkizilip turǵan bolatyn. Jedel járdemniń alǵashqy 3 túri ortalyq «Jambyl jedel járdemnen» kórsetiledi, tek 4-kategorııadaǵy ǵana medıtsınalyq kómekti aýyldyq deńgeıde kórsetý qarastyrylǵan. ıAǵnı, bul kólik tek úıde emdelýshilerge qyzmet kórsetý úshin, dárigerdi úıge shaqyrý úshin paıdalanyldy. Qazirgi tańda dárigerlik ambýlatorııada «Jıgýlı» avtokóligi «Chevrolet Damas» kóligine aýystyryldy. Sondyqtan, daýryǵýǵa negiz joq», - dedi baspasóz qyzmetiniń jetekshisi Tolqyn Ómirbaeva.
Aıta keteıik, buǵan deıin Jambyl oblysynda eki jylda 30 jańa medıtsınalyq nysan salynady dep jazǵan bolatynbyz.