Jambyl oblysynda jedel-aldyn alý sharalary barysynda 6 myńnan astam kontrafaktilik ónimder tárkilendi
TARAZ. QazAqparat - Jambyl oblysynda respýblıkalyq «Kontrafakt» jedel-aldyn alý sharalarynyń barysynda alty myń danadan astam kontrafaktilik ónimder tárkilendi, dep habarlady Jambyl oblysy ІІD.
Krmımınaldyq polıtsııa basqarmasynyń bastyǵy, polıtsııa polkovnıgi Nurjan Qýanyshbekovtiń aqparaty boıynsha, jedel-aldyn alý sharalarynyń barysynda Jambyl oblysy ІІD bólimsheleri qyzmetkerleri 3 kúnniń ishinde zańsyz aınalymnan alty myńnan astam kontrafaktilik aýdıo-beıne ónimderin tárkilegen.
«Merke aýylyndaǵy ortalyq bazardaǵy saýda núktesinen pornografııalyq mazmundaǵy 32 DVD/CD fılmderi tárkilendi. Sondaı-aq Internettegi áleýmettik jelilerdi «WhatsApp» smartfondary úshin messendjerlerdi paıdalaný arqyly pornografııalyq materıaldar taratylǵany anyqtalǵan», dep túsindirdi N.Qýanyshbekov. Sonymen birge polıtsııa podpolkovnıgi joǵary tehnologııalar salasyndaǵy buryn jasalǵan úsh qylmys ashylǵanyn atap ótti. Aqparattyq-kommýnıkatsııalyq jeller jumysyn buǵattaıtyn arnaıy quraldar tartyp alyndy. Sondaı-aq oıyn-saýyq oryndarynda, dámhana-meıramhanalarda avtorlyq jáne aralas quqyqtardy buzý faktileri anyqtalǵan.
«Kontrafakt» operatsııasy kontrafaktilik ónimderdiń, pornografııayq materıaldardyń zańsyz aınalymyn, ekstremızmdi, lańkestikti, zorlyq-zombylyqty nasıhattaıtyn arnaıy tehnıkalyq quraldardy anyqtaýǵa jáne jáne jolyn kesýge, sondaı-aq kompıýterlik quqyq buzýshylyqqa qarsy turýǵa baǵyttalǵan, dep atap ótti Jambyl oblysy ІІD.
