Jambyl oblysynda jasyryn qoımadan 9 qap esirtki tabyldy

TARAZ. QazAqparat – Jambyl oblysy T.Rysqulov aýdanynda jasyryn qoımadan toǵyz qap esirtki zaty tabyldy, dep habarlaıdy QazAqparat tilshisi.

Jambyl oblysynyń polıtsııa departamenti esirtki qylmysyna qarsy is-qımyl basqarmasynyń qyzmetkerleri «Qarasora-2020» jedel aldyn alý is-sharasyn ótkizdi.

Shara barysynda Turar Rysqulov aýdanynyń qumǵa jaqyn mańdaǵy aımaǵynda esirtkiniń jasyryn ornyn qazý kezinde Taraz qalasynyń 29 jáne 37 jastaǵy eki turǵynyn qolǵa túsirdi. Bul týraly oblystyq polıtsııa departamentiniń baspasóz qyzmeti habarlady.

«Jasyryn qoımada jalpy salmaǵy 68 keli 450 gramm «keptirilgen marıhýana» salynǵan 9 polıpropılen qap tabylyp, tárkilendi. Atalǵan derekke qatysty QR QK 297-baby 3-bóligi boıynsha sotqa deıingi tergeý amaldary júrgizilip jatyr» delingen vedomstvo habarlamasynda.

Kúdiktiler óz kinásin moıyndap, Turar Rysqulov APB ýaqytsha ustaý ızolıatoryna qamaldy.