Jambyl oblysynda jarty jylda 148 egiz sábı ómirge kelgen

TARAZ. QazAqparat – Jambyl oblysyda jyl basynan beri 148 egiz dúnıe esigin ashqan, dep habarlaıdy QazAqparat tilshisi.

Jambyl oblysynda bıylǵy qańtar-shilde aılarynda barlyǵy 13 926 sábı ómirge kelgen. Bul týraly oblys ákimdigi densaýlyq saqtaý basqarmasynyń baspasóz qyzmeti habarlady.

«Jalpy alty aıda týǵan 13926 sábıdiń 7138-i ul bala bolsa, 6788-i qyz. Onyń arasynda 148 egiz bar. Úshem tirkelgen joq»,-delingen vedomstvo habarlamasynda.

Sonda-aq, basqarmanyń baspasóz qyzmetiniń málimetinshe, osy aralyqta ómirge kelgen shaqalaqtardyń eń kishkentaıynyń salmaǵy 501 gramm bolyp tirkelgen. Ol – ul bala.

Al, eń irisi de ul bala, onyń týǵan kezdegi salmaǵy 5850 grammdy quraǵan.